الطاؤوس ملك الطيور - عبد الرحمن الريح

الطاووس 
كلمات عبدالرحمن الريح 
ملك الطيور ارقص وسط الطيور نشوان 
خلي الزهورتفتح مختلفة الالوان 
ارقص وهل في الكون 
طاير جميل مثلك بيهو الوجود مفتون 
من درك المكنون 
اكشف كنوز حسنك ورينا فيك كم لون 
ما بين جمال وفنون 
للزهر تصحو عيون 
تهدي الشذي واحيان 
تهدي الهوي النديان 
للعاشق الولهان 
يا اجمل الاطيار 
ليك في الحديقة ديار 
مبنية بالورد ومعروشة بالازهار 
مخضرة الاشجار في شواطئ الانهار 
ملتفة والاغصان بالخفة والميسان تلهب الانسان
انشر جناحك و ميل حي الربيع يا جميل 
خلي الشمس تسكب ذهب الاصيل في النيل 
في رياضك النضرات 
النور يسير قطرات 
محمرة العبرات 
الروعة تستكمل 
يبقي المكان اجمل زي لوحة الفنان

الطاؤوس ملك الطيو / أحمد الجابري

سودانيز باند - ملك الطيور

حنان النيل - ملك الطيور

الشادن الكاتلني ريدو - عبد الرحمن الريح

الشادن الكاتلني ريده 
عبد الرحمن الريحالشادن الكاتلني ريده 
هلك النفوس و الناس تريده 
مالو لو يرحم مريده 
الكون وحيده والكون فريده فيه لا يوجد طريده 
نظم العقول في سلك ريده لبسن قلايد في وريده 
الجيل قديمه علي جديده 
ليه اعترف معدوم نديده 
فاق السلاح و كسر حديده 
نقرابي في صفحة جديده 
يصعب علي وصف قصيده 
وصعب علي نظم قصيده 
ده غزال سارح بين صيده يا ريد محال شركك يصيده 
انسان كحيل ناعس هجيده 
جيد الغزال كانه جيده 
مهما اقول القول اجيده 
انا وصفه كيف افدر اجيده 
كلما اقول الحظ يعيده نحس الزمان يسبق سعيده 
القطر دانيه وبعيده هو هلال صيامه و يوم عيده

الشادن الكاتلني ريدو - فرفور وعصام م نور

الخوجلاب 
أبو صلاح 
————– مـاكنت رايق وساكن في صفاء وتأمين 
فـي الـخوجلاب ياقلبي مني شالك مين 
ديـل الـبروق الـشالن ام درر ياسمين 
مـابين ظـل الايـك ونـفحه الياسمين 
أم ديـل شلوخه تلاته ومن تحت وسمين 
يـاقلبي بـينه وبـيني اليقسمك قسمين 
جـات روايـح الورود مع الزلال والتين 
فـوق الـجمال الـفردي اليلة ملتفتين 
بس ايه لزوم انوارنا من شموع ورتين 
مـادمت انـت وبـدر الـتم زي اختين 
بـقي ديـسك اطول منك ولله متقايسين 
شـفنا الـضفاير جـرو للقديم كايسين 
أنا شوقي دايماً زايد وماشي في تحسين 
انـا صـبري قل ويشهد بي ازاي حسين 
برزن نهوده وعامن في الهواء مجاهدين 
وعـلي هـلاك العاشق ديمه مجتهدين 
صاح وهبه فاقد عقله كم جريح وطعين 
الـناس جروحن تسعة انا جروح تسعين 
عـد الـشوادي الـغنن يالغرام نايحين 
عـد القماري القوقن في الفروع مايحين 
عـد الـنسايم الـمرن بالمسك فايحين 
تـغشاك ياعثمان نعمة وسرور كل حين

الثنائي عطا كوكو وأحمد يوسف

تجول في الخوجلاب - بدون صوت

الجمال والحب في بلادي - سيد عبد العزيز

الجمال والحب في بلادي 
شعر : سيد عبد العزيز 
———————– الجمال والحب في بلادي 
والحضارة إزدهارها وإنتشارها 
في المدارس والنوادي 
العلوم العالية والفنون الراقية 
جمالها بادي 
ينبي عن أثار قوة الأفكار 
والأيادي 
الأنجزت أعمال وخلدت تذكار 
في جبين الوادي 
سوداننا العاجبنا رسمه 
في نفوسنا مقداره يسمو 
الطيور غنت بي أسمه 
وكم صايح ينادي 
أسمك يابلادي 
هتقت به الجنود 
وغنتبو الشوادي 
في بلادنا مناظر الطبيعة 
حافيها السحر الحلال 
في الشرق المينا العظيمة 
بيها الثغر باسم الدلال 
والغرب حرست مداخله 
الهيبة حصون التلال 
وجنوبها ينافس الشمال 
حيوية وعظمة وجلال 
في بلادنا القرى والمدائن 
أثر النعمة عليها باين 
وتاني محل العين تعاين 
تشوف بهجة وروح وإعتدال 
في منظر جذاب ودادي 
أحي السودان وأرضه 
والأرض الطاهرة النقية 
أحي السودان وأهله 
أهل العبقرية 
أهني السودان بشعبه 
طوح النفس الأبية 
الوافي راعي المحارم 
أكرم من الغيث مكارم 
وأصلب من الحده صارم 
إن في الحرب وإن مسالم 
يمتاز بالروح القوية 
مقدام ومن طبعه هادي

رمضان حسن - الجمال والحب في بلادي

الجمال والحب -  سعاد عثمان - نجوم الغد 2007 

يا ليل أبقلي شاهد - كلمات أبو صلاح - الحان كرومة

يا ليل أبقالي شاهدكلمات صالح عبدالسيد (أبو صلاح)
غناء كروان السودان كرومة

يا ليل أبقالي شاهد على نار شوقي وجنوني
يا ليل صار ليك معاهد طرفي اللي منامي زاهد

دن لي سهر وأشاهد فوق لي نجمك ظنوني
يا جميل لي سهري واجد وأراك نايم وهاجد
مين لي عيني ناجد بي دموعي الفرقوني

لا تكون بالنظرة جاحد حلمك في المية واحد
منك لي ربي شاهد بين ايدك يا حنوني
خده البي مطارقه فاصد جامع كل المقاصد
طرفه المكحول وراصد بي سهامو الألموني
براق سنك يساعد الغيم المزنه راعد

ساكن قلبي ومباعد تشتاق شوفتك عيوني
حبك في الجوف يطارد ما بين صادر ووارد
يا حبيبي اللي فارد نظراتك يأسروني
بعدك لعقلي فاقد وقربك جوه جوفي واقد
أشواقك ضيعوني

ياليل أبقالي شاهد - أولاد شمبات

                             يا ليل أبقالي شاهد - أحمد الفرجوني

أسرار بابكر - يا ليل أبقالي شاهد

حدثت هذه القصة في امدرمان حي ود نوباوي العريق حيث جامع الشيخ قريب الله ومنزله المجاور فقد كان هناك حفل عرس ساهر او بيت لعبة كما كان يسمي وكان يغني فيها الفنان كرومه وقد جلس الشيخ قريب الله على تبروقة الصلاة وحوله مريدوه وتلامذته جلوسا على البروش يستمعون الى نصائحه وارشاداته وفي غمرة هذه التجليات يحمل النسيم الى الشيخ صوت كرومه الرائع وهو يغني 
ياليل ابقالي شاهد على نار شوقي وجنوني .. ياليل
فينصت الشيخ الى هذه المناجاة العذبة لليل فيلتفت الشيخ الى تلامذته يسألهم من هذا الذي يغني لليل فيقولون انه مطرب اسمه كرومة فقال لهم الشيخ اذهبو اليه واطلبوا منه ان يأتيني مشكورا فوصل رسل الشيخ قريب الله الى الفنان كرومه بعد ان انهى وصلته الغنائية وقالوا له ان الشيخ قريب الله يريدك ان تحضر اليه الآن فيفزع كرومه ويضطرب ماذا يريد منه الشيخ قريب الله وقد كان بجانبه صديقه الشاعر عمر البنا وهو يستمع الى الحديث فيقول له محفزا سأذهب معك وقد كان كرومه يعتقد ان الشيخ سمعه يغني و يريد ان يعنفه علي مسلكه فيبلغ كرومه الحجرة التي بها الشيخ قريب الله فينحني كرومه مسلما ومقبلا يد الشيخ ويلقاه الشيخ في بشاشة وترحاب فيجلسان ويؤتي لهم بشراب العسل الممزوج بالماء فيقول له الشيخ سمعتك الآن تنشد كلمات طيبة عن الليل فهلا اسمعتني اياها فغني كرومه الاغنية بمصاحبة عمر البنا 
ياليل ابقالي شاهد على نار شوقي وجنوني 
ياليل صار ليك معاهد طرفي اللي منامو زاهد 
دنا لي سهرك واشاهد فوق لي نجيمك ظنوني 
ياليل ابقالي شاهد على نار شوقي وجنوني 
فيصيح الشيخ قريب الله صيحة الصوفي المنتشي ( الله) وقد انكفى مغشيا عليه بعدها خرج كرومه وعمر البنا من عنده وهم في حالة من الذهول والاستغراب . لكن ما ابعد الشقة ما بين ليل الشيخ قريب الله وليل الفنان كرومة. 

لي في المسالمة غزال - عبد الرحمن الريح

لي في المسالمة غزال
كلمات/ عبدالرحمن الريح

لي في المسالمة غزال .. نافر بغني عليهو
جاهل وقلبو قاسي وقلبي طائع ليهو
مصباح الظلام الـ ربنا معليهو
زايد في الجمال نور الجمال جاليهو
لو شافو الغزال على نفرتو بواليهو
وان شافو القمر أنوارو تخجل ليهو
ان جاه النسيم زي الفرع يتنيهو
والثمر الرطيب كذب البقول يجنيهو
باللمي والخدود ياذا العشوق بفنيهو
الصحا والنعاس والسحر في عينيهو
كل من شافو قال انا بالنفس افديهو
هو غصن الرياض الزاهي في واديهو
أزهار الربيع مازج زهور خديهو
وجدلات الحرير ما  لينه   ذي ايديهو
والدو معجنو على فطرتو مربيهو
هو الفرد الوحيد في الدنيا ما في شبيهو
يتجاهل علي وأنا حالي ما غابيهو
سالبني في نار هواه شال قلبي يلعب بيهو

جلال مسعود - لي في المسالمة غزال

مقطوعة لي في المسالمةغزال - لندن

موقع خزانة الكتب - في الموسوعة الشاملة

ننصح بزيارة الموقع خزانة الكتب حيث يوجد الكثير من الكتب الإسلامية والعربيةالمفيدة  . فضلا أضغط على الرابط الآتي :-
http://islamport.com/index2.html