السبت، 8 أغسطس، 2015

قصة أغنية :- عيون الصيد الشاعر محمد علي عبد الله الأمي



ﻋﻴﻮﻥ ﺍﻟﺼﻴﺪ
ﻣﻦ ﻗﺼﺎﺋﺪﻩ ﺍﻟﺠﻤﻴﻠﺔ ﻭﺍﻟﺮﺍﺋﻌﺔ ﻭﺍﻟﺼﺎﺩﻗﺔ ﻭﺍﻟﺤﺰﻳﻨﺔ ﺸﺎﻋﺮﻧﺎ ﻣﺤﻤﺪ ﻋﻠﻰ ﻋﺒﺪﺍﻟﻠﻪ ﺍﻻﻣﻰ ﻋﻴﻮﻥ ﺍﻟﺼﻴﺪ ﻭﺍﻟﺘﻲ ﺳﻜﺐ ﺃﻟﻤﻪ ﻭﺣﺴﺮﺗﻪ ﻭﺗﺸﺎﺅﻣﻪ ﻓﻲ ﻛﻠﻤﺎﺗﻪ ﻭﺍﻟﺘﻲ ﻛﺎﻧﺖ ﻣﻌﺒﺮﺓ ﻋﻦ ﻭﺟﺪﺍﻧﻪ ﻭﻣﻦ ﻫﻨﺎ ﻛﺎﻥ ﺳﺮ ﺧﻠﻮﺩﻫﺎ ﻭﺧﺼﻮﺻﻴﺘﻬﺎ ... ﻭﻓﻴﻬﺎ ﻳﺸﺒﻪ ﻋﻴﻮﻧﻪ ﻭﺟﺮﻳﺎﻥ ﺩﻣﻮﻋﻪ ﺑﻤﻨﺎﺑﻊ ﺍﻟﻨﻴﻞ ﻭﺗﺪﻓﻘﻪ ﻭﻛﻴﻒ ﺇﻥ ﺍﻟﻌﻴﻮﻥ ﺳﺒﺒﺖ ﻟﻪ ﺍﻟﻤﺮﺽ ﻭﺍﻟﺴﻘﻢ ﻭﺍﻹﻋﻴﺎﺀ ﻭﻓﻘﺪﺍﻥ ﺍﻟﻌﻘﻞ ... ﻭﻃﻠﺐ ﻣﻦ ﺃﺻﺪﻗﺎﺋﻪ ﺗﺮﻛﻪ ﻓﻲ ﺣﺎﻟﻪ ﻭﻋﺪﻡ ﻋﺘﺎﺑﻪ ﻭﺍﻟﻜﻒ ﻋﻦ ﺍﻟﻨﺼﺎﺋﺢ ﺍﻟﺘﻲ ﻻ ﺗﺠﺪﻱ ﻣﻌﻪ ﺷﻴﺌﺎ ... ﻭﻳﻘﻮﻝ ﺇﻥ ﻫﺬﻩ ﺍﻟﻌﻴﻮﻥ ﻫﻲ ﺍﻟﺘﻲ ﺳﺒﺒﺖ ﻫﺬﻩ ﺍﻟﺠﺮﻭﺡ ﻭﻫﻰ ﻧﻔﺴﻬﺎ ﺗﺴﺒﺐ ﺍﻟﻔﺮﺡ ﺇﺫﺍ ﻟﻤﺤﺘﻪ ( ﻫﻲ ﺍﻟﺪﺍﺀ ﻭﺍﻟﺪﻭﺍﺀ ) ﻭﻣﻊ ﺷﺪﺓ ﺃﻻﻣﻪ ﻭﺃﺣﺰﺍﻧﻪ ﻫﺎﺟﺖ ﻋﻠﻴﻪ ﺍﻷﺷﺠﺎﻥ ﻭﺍﺯﺩﺍﺩﺕ ﻋﻠﻴﻪ ﺗﺒﺎﺭﻳﺢ ﺍﻟﺸﻮﻕ ﻭﻛﻞ ﻣﺎ ﻓﻲ ﺍﻟﻜﻮﻥ ﻣﻦ ﺃﻃﺒﺎﺀ ﻋﺎﺟﺰﻭﻥ ﻋﻦ ﻣﻌﺎﻟﺠﺘﻪ ... ﺣﺘﻰ ﺃﻗﺪﺍﻣﻪ ﻟﻢ ﺗﺴﺘﻄﻴﻊ ﺃﻥ ﺗﺤﻤﻠﻪ ﻭﻳﻄﻠﺐ ﻣﻦ ﺃﺻﺪﻗﺎﺋﻪ ﻣﺴﺎﻋﺪﺗﻪ ﻋﻠﻰ ﺍﻟﺴﻴﺮ ﺇﻟﻰ ﺃﻃﻼﻝ ﺍﻟﻤﺤﺒﻮﺑﺔ ﻭﻳﺬﻛﺮﻫﻢ ﺃﻥ ﻫﻮﺍﻩ ﺷﺮﻳﻒ ﻭﻻ ﺩﺍﻋﻲ ﻟﺠﺮﺡ ﺷﻌﻮﺭﻩ ﻭﺍﻥ ﻧﻬﺎﻳﺘﻪ ﺣﺘﻤﻴﺔ ( ﻋﻠﻰ ﺍﻷﻛﻔﺎﻥ ﺷﻴﺶ ﺩﺭﺟﻮﻧﻰ ) ﻭﺍﻟﻰ ﺍﻟﻘﺼﻴﺪﺓ ...
ﻋﻴﻮﻥ ﺍﻟﺼﻴﺪ ﻧﺎﻋﺴﺎﺕ ﻋﻴﻮﻧﻲ *** ﻋﻴﻮﻥ ﺍﻟﻨﻴﻞ ﺣﺎﻛﻦ ﻋﻴﻮﻧﻲ
ﻧﺴﻴﺖ ﻗﻠﺒﻲ ﻭﺭﻭﺣﻲ ﻭﻧﺴﻮﻧﻲ *** ﻭﻓﻘﺪﺕ ﺍﻟﻜﺎﻧﻮﺍ ﻳﺆﺍﻧﺴﻮﻧﻲ
ﻟﻴﺎﻟﻲ ﻫﻨﺎﻯ ﺟﺪ ﻋﺎﻛﺴﻮﻧﻲ *** ﻭﺃﺧﺎﺻﻢ ﺍﻟﻨﻮﻡ ﻛﻴﻒ ﺩﺭﺳﻮﻧﻰ
ﻣﻊ ﺍﻵﻻﻡ ﻫﺎﺟﺖ ﺷﺠﻮﻧﻲ *** ﻭﺃﻃﺒﺎﺀ ﺍﻟﻜﻮﻥ ﻣﺎ ﻋﺎﻟﺠﻮﻧﻲ
ﺟﻔﻮﺍ ﺑﻨﻔﻮﺭﻫﻢ ﻫﻴﺠﻮﻧﻲ *** ﻣﺘﻴﻦ ﻓﻲ ﺍﻟﻄﻴﻒ ﻳﺼﺒﻮ ﻭﻳﺠﻮﻧﻰ
ﻓﻘﺪﺕ ﺻﺤﺎﻯ ﻻ ﺗﻨﺼﺤﻮﻧﻲ ***
ﺧﻄﺎﺏ ﻭﻋﺘﺎﺏ ﻛﻔﻰ ﺑﺎﺭﺣﻮﻧﻰ
ﻋﻴﻮﻥ ﺍﻟﺼﻴﺪ ﺩﻳﻞ ﺟﺮﺣﻮﻧﻲ *** ﺳﺮﻭﺭﻱ ﻳﺘﻢ ﻟﻮ ﻳﻠﻤﺤﻮﻧﻲ
ﻏﻠﺒﻨﻲ ﺃﺳﻴﺮ ﻫﻴﺎ ﺩﺭﺟﻮﻧﻰ *** ﻭﻋﻠﻰ ﺍﻷﻃﻼﻝ ﻟﻴﻞ ﻋﺮﺟﻮﻧﻰ
ﻫﻮﺍﻯ ﺷﺮﻳﻒ ﻻ ﺗﺤﺮﺟﻮﻧﻰ *** ﻭﻋﻠﻰ ﺍﻷﻛﻔﺎﻥ ﺷﻴﺶ ﺩﺭﺟﻮﻧﻰ
ﻣﻘﺮ ﺍﻣﻠﻰ ﻓﻴﻬﻢ ﻇﻨﻮﻧﻰ *** ﻳﺰﻳﺪﻭﺍ ﺩﻻﻝ ﻭﺗﺰﻳﺪ ﺟﻨﻮﻧﻲ
ﻟﺬﻳﺬ ﺗﻌﺬﻳﺒﻬﻢ ﻟﻮ ﺿﻨﻮﻧﻰ *** ﻭﺻﺎﻟﻬﻢ ﺁﻩ ﺭﺍﺣﺘﻲ ﻭﻣﻨﻮﻧﻲ

الأربعاء، 5 أغسطس، 2015

قصة أغنية عازة...... خليل فرح

 عزة في هواك { قصتها }

من هى عازة:
الكل يتغنى بعازة فى هواك
و الكل يظن ان عازة هى فقط اسم يرمز للسودان و الوطن
و لكن حقيقة من هى العازة؟؟؟
عازة محمد عبد الله
هى زوجة البطل على عبد اللطيف
حيث تزوج بها فى عام 1916.
و اشتهرت العزة باعتبارها اول امراة سودانية تشارك فى النشاط السياسى بالمعنى الحديث .
و الد عازة محمد عبد الله الدنقلاوى من الخنادقة و كان يعمل فى صناعة المراكب وتزوج فتاة من امدرمان
اسمها فاطمة محمد حسن و كان والد فاطمة جنديا مصريا من قبيلة الجعافرة فى صعيد مصر
و كانت ام فاطمة من اصل دينكاوى.
عاشت فاطمة ام عازة فى حى الكارا فى امدرمان
حيث رزقت بعازة
من زوجها محمد عبد الله الدنقلاوى.
تم الطلاق بينهما على اثر خلاف حول مكان البقاء حيث ارادت فاطمة البقاء فى امدرمان حيث المدينة
بينما اراد زوجها الرحيل الى الخندق.
ثم تزوجت فاطمة من ابن خالتها "بحر الوادى"
و هى من اصل دينكاوى و زوجها ريحان عبد الله راعى على عبد اللطيف.

أصبحت عازة
رمز لكل عزيز و غالى
و شعار لكل محب و كان التغنى بعازة و القصد
اننا يا العزة لن نتزحزح عن المبادى التى ارادها و سلكها
زوجك البطل المناضل على عبد اللطيف.

كلمات عزة:
يقول د. حسن؛
انشأ خليل فرح قصيدة "عزة"
فى اواخر العشرينيات من القرن الماضى و كان نزيل مستشفى المواساة بالاسكندرية
و القصيدة رمزية و طنية
و تجئ فى 15 بيتا ملتزمة بلزوم ما لا يلزم
- ما عدا المقطعين الثانى و الثالث-
و هو يعد اية مطلوبة و مالوفة فى الشعر الغنائى انذاك.

قال خليل فرح:

عازة في هواك

عازة في هواك عازا نحن الجبال
وللبخوض صفاك عازا نحن النبال
عازة ما بنوم الليل محــــال
وبحسب النجوم فوق الرحال
خلقة الزاد كمل وأنا حالي حال
متين أعود أشوف ظبياتنا الكحال
عازا ما سليت وطن الجمــال
ولا أبتغيت بديل غير الكمــال
***
وقلبي لي سواك ما شفتو مال
خذيني باليمين وانا راقد شمال
عازة ما نسيت جنــة بلال
وملعب الشباب تحت الظلال
ونحن كالزهور فوق التلال
نتشابي للنجوم وانا ضافر الهلال
عازة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عازة ما أشتهيت نوم الحجال
ولا السوار بكي في يمينا جال
وعازة في الفريق لي ضيق مجال
قبيلة بت قبيل ملأ الكون رجال
***
عازة شفت كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عازة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدى كل يوم عظمة ازداد جلال
***
عازة في حذا الخرطوم قبال
وعازة من جنان شمبات حبال
وعازة لي ربوع ام در جبال
وعازة في الفؤاد دوا يشفي الوبال

الخميس، 19 مارس، 2015

في الضواحي - كلمات خليل فرح - غناء عثمان الشفيع



خليل فرح

في الضواحى وطرف المداين

يلا ننظر شفق الصباح

قوموا خلو الضيق في الجناين

شوفوا عز الصيد في العساين

يله نقنص نطرد نعاين

النهار أن حر الكماين

كلبي يا جمجوم أصله خاين

شوفوا كيفن يبرأ الملاين

هب شال وكشح المراح

للقنيص الخيل خف راسن

نحن ما بنخاف من مراسن

المكارم غرقنا ساسن والمجاهل

مين غيرنا ساسن

ان عطشنا نمز مر وآسن

وأن عشقنا بنعشق محاسن

فى المحاسن كفي يومنا راح

في الخميلة انجلت المحاسن

عيني حايرة ومشي قلبي جاسن

بعض حسنك هي يا محاسن

الحرير حين قدميك داسن

والزهور حين شفتيك باسن

والغصون من لدنك مياسن

والنسيم فاح بكر الملاح

يا الطبيعه الواديك ساكن

ما في مثلك قط في الأماكن



يا جمال النال في ثراكن

ياحلاة البرعن أراكن

في قفاهن تور قرنه ماكن

لا غشن لا شافن مساكن

في الخزام والشيخ والبراح

شوف صباح الوادي وجماله

وشوف خضاره وصيده ورماله

شوف يمينه وعاين شماله

شوف نسيم الليل صاحي ماله

شوف فريع الشاو مين أماله

القمر خجلان من كماله

والصباح لا بهل الوشاح

يا أم لسانا لسع معجن

كلمة كلمة وحروفه ضجن

ديل خدودك غير داعي وجن

ديل عيونك من غير سبه لجن

ديل دموعك من نظرة شجن

ده دلال ايه ده دلال معجن

محن الامات يا رداح

ماك نسيم الليل بي برودك

نامت الازهار فوق خدودك

غرد العصفور فوق عودك

النفوس ما اتعدت حدودك

ما عرفنا عدوك من ودودك

بس أنا المقسوم لي صدودك

يا حياتي وأملي اللي راح


في الضواحي - عثمان الشفيع عود






في الضواحي - كورال كلية الموسيقى والدراما - أسرار بابكر




في الضواحي - مصطفى سيد أحمد

الحب الطاهر - شعر / عمر البناء


الحب الطاهر
الشاعر عمر البنا

هجد الانام وأنا وحدي مساهر
والنحول علي جسمي ياحبايب ظاهر
أسبابي الحب الطاهر
أسباب سقامي وبكاء طرفي الساهر
لأذاي بعادك مضي سيفه وشاهر
مره أندب حظي ومره أهتف أظاهر
أشكو دهري وأناجي النجم الزاهر
إنت عادل وظالم إنت ناهي وآمر
يتمني البدر ليك يبقي مسامر
كونك دواما في نوراليه مخامر
إمتيازك عنه إنت هادل وضامر
بالبان والاسي مال قوامك ظافر
علي صدرك قنبل كم أسلم كافر
العيون والضمره والوريد الوافر
من محاسنك غارن الغزال النافر
كل ما أكتم حبك دمعي بيه يجاهر
مابفيدني طبيب مهما يكون ماهر
طبي مابين كوثر فاك وبين جواه
سنك اللماعه والخديد الزاهر
عار صفاه التبري من صفاك الناضر
ياخلاصة الحسن في العصر الحاضر
الملوك ليك تخضع لنداك تقول حاضر
تخشي سطوة حسنك وفيك يتلو محاضر
بي وصالك جاحد وبي جفاك مبادر
كاليزيد في الجبره وفي بخاله مادر
بجمالك وحسنك يالفي عصرك نادر
لي أرحم حلمك راعي لاتكون غادر


 الفنان أحمد يوسف  الحب الطاهر



الفرجوني - الحب الطاهر

الأحد، 20 يوليو، 2014

الشاعر حسن الزبير والفنان حسن الامين

الشاعر الراحل حسن الزبير , تميز بأسلوب السهل الممتنع وله مدرسة خاصة في المزج بين أصالة شعر الحقيبة ورونق الشعر الحديث كانت له صداقات قوية مع شعراء الحقيبة حيث جلس إلى عتيق .. البنـّا .. المَسَّـاح .. عبد الرحمن الريح , وكانت له صداقة خاصه مع ود الرضي
حسن محمد الزبير جاه الله - ابن الحاجة (أمينة أحمد حسين)
ولد ونشأ في الخرطوم اللاماب بحر ابيض , ثم انتقل لاحقا الى امدرمان الفتيحاب
التحق بمدرسة القوز الأولية , ثم مدرسة الرميلة العامة , ثم الخرطوم القديمة الثانوية
بعدها إنخرط فى مجال العمل فإلتحق بوزارة الأشغال والتشييد عام 1959 م حتى عام 1965 م .. بعدها إنتقل إلى مصلحة الطرق والمطارات فى عام 1966 م حتى عام 1968 م .. ثم إنتقل للعمل بالحكومات المحلية عام 1969 م حتى عام 1970 م .. ثم إنتقل لوزارة الثروة الحيوانية إدارة المعامل والبحوث البيطرية عام 1971 م حتى عام 1974 م .. ثم إلى مجلس الوزراء كاتبـا عام 1974 م وحتى عام 1980 م ومنه تمت إعارته سلطنة عُـمان ليعمل فى مكتب والى ظفار من عام 1980 م وحتى عام 1982 م .. عاد بعدها للسودان ليعمل بوزارة الثروة الحيوانية مرة أخرى .. ثم ديوان المراجع العام الذى غادره للمعاش الأختيارى عام 1997 م
تزوج في عام 1963م , وله من الأبناء : أبو بكر , نهلة , محمد , ندى , عمر , عثمان , آمنة , الفاتح , نهى , سلمى
عاد من المملكة العربية السعودية بعد آداء مناسك العمرة وهو يعانى من إرتفاع السكر وإلتهاب حاد فى الكليتين لينتقل إلى الرفيق الأعلى بعد عودته بيومين فقط وذلك فى التاسع عشر من رمضان المبارك عام 1425 هـ الموافق الثانى من نوفمبر 2004 م
أولى اغنياته كانت مع الفنان حسن الأمين وهي بعنوان (آمنت بيك يا أم درمان) توالت بعدها اغنياته حيث أهدى محمد أحمد عوض (حبيبي فاكرك معايا) وكمال ترباس (يا عيني يا طماعة) و عبد العظيم حركة (القليب الراسمو حنة)
دواوينه
أول ديوان للراحل هو فرايحية وطبع عام 1979م وبعدها ديوان ما بنختلف وطبع في 1998م وتمت إعادة طباعته  في 2005م إضافة إلى دواوين أخرى تحت الطبع مثل (دفق يا عسل) (القيامة تقوم) وهي مساجلات بينه والدكتور أحمد فرح شادول
شكّـل ثلاثية مع محمد ميرغنى والملحن حسن بابكر وأثمرت تلك الثلاثية (لا الصابر أنا ولا الباكى) (لابتواصلى لابتفاصلى)  (الريده) (حالك باهى)  (جرح الحب)
أشهر أغانيه (ما بنختلف, وأنا فاكرك معايا, ما بتواصلي, وست اللهيج السكري, البريدو مالوا تاخر بريدو, صياد النجوم, صورتك الخائف عليها, كلم لي عيونك, الحب يا أم سماح, يا عيني يا طماعة) كما له تعاملات مع عدد من الفنانين الشباب - محمود عبد العزيز (يا مدهشة, خايفة من الريدة مالك, وسلامتك) - جمال مصطفى فرفور (إيه الشذى, وكلام الريد)
تعامل مع المطربين :
حسن الأمين - خوجلي عثمان – محمد أحمد عوض – كمال ترباس – نادر خضر – حيدر حدربي- عبد العظيم حركة- علي إبراهيم اللحو- يوسف الموصلي – محمد ميرغني -الطيب مدثر – عابدة الشيخ - الأمين البنا – محمود تاور – مجذوب أونسة - جلال الصحافة – خالد الصحافة- أيمن دقلة –سمية حسن- عاصم البنا – محمود عبد العزيز – عبد الله البعيو – جيلاني الواثق - البلابل – وليد زاكي الدين – جمال فرفور- ياسر تمتام - نبوية الملاك- محمد حسن وغيرهم
ومن الملحنين تعامل مع :
حسن بابكر – الدكتور الماحي سليمان – عبد اللطيف خضر ود الحاوي – الفاتح كسلاوي – حسين التجاني – الكردفاني –محمد عبد القادر وغيرهم

الأربعاء، 4 يونيو، 2014

لقاء إذاعي مع الشاعر أبو صلاح - عام 1962م


 سهرة خاصة عن الشاعر أبو صلاح

                                                                     الذكرى الخمسين لوفاة  أبو صلاح



  البروفيسور / محمد عبد الله الريح  سيف الجامعة ورفيعة أحمد حلقة يقدمها المذيع / معتصم محمد الحسن  



http://www.youtube.com/watch?v=i7aEEsrZmU8&feature

السبت، 31 مايو، 2014

الشاعر /عبيد عبد الرحمن 1908-1986م







الشاع
ر /عبيد عبد ا
لرحمن 190
8-1986م

ولد الشاعر المبدع عبيد عبد الرحمن عام بحى العرب بأمدرمان ذلك الحى الموسوم بالفن والغناء والطرب.

تلقى تعليمه فى المرحلة الأولية ولكن ظروفه حالت دون مواصلة تعليمه فعمل مع والده بعض حين وظل يكثر الاطلاع على كتب التراث
فيهضمها بقريحته المتوقدة وذهنه اللماح.

وقد برع فى قول الشعر صغيراً تماماً كصديق عمره سيد عبد العزيز فقد نشأ فى ذات الحى العريق
فتوطدت بينهما صداقة خالدة على مر الأيام الى أخر العمر
وجمعت بينهما صداقة الشاعر الأديب خالد آدم ( ابن الخياط) فراحوا يتعاطون الأدب.

وعبيد عبد الرحمن صاحب مدرسة فى الشعر الرصين..

ولقد سبق معاصريه بالأخيلة المدهشة والصياغة المحكمة والكلمات الرقيقة المهذبة
فقد وصفه الشاعر عبد الرحمن الريح بقوله :

كم عبيد فى شعره الرصين كان مثال اللبق الأمين
منه تظهر فى كل حين تحفه تشجى الناس أجمعين

صدر له ديوان شعر بالأشتراك مع صديقه الشاعر سيد عبد العزيز بعنوان ليالى زمان حوى بعض المختارات
ثم صدر له ديوان زمن الصبا وأخيراً صدر له ديوان من جزئين عن دار البلد للطباعة والنشر والتوزيع.
الأول بعنوان رسائل والثاى بعنوان غزال البر.

ومثل صديقه سيد عبد العزيز وسائر شعراء الحقيبة فقد كان عف الحب يهتم بجمال الروح والذوق السليم ف
قد كان الحب العزرى عنده سجيه ولكنه عندما اضطر الى الوصف الحسى فقد بز جميع الشعراء
الذين تنافسوا فى وصف فتاة أثناء الرقص فى قصيدة منظر شىء بديع ما أحلى الغزل.

وعبيد عبد الرحمن حديقة مختلفة الألوان تفوح بالشذى والطيب وهو كشجرة النخيل
كلما هززناها تساقطت رطبا جنيا.


قصيدة رسائل
• من اغانى عام 1954م
• لحن وغناء الكاشف
• ( هذه القصيدة عبارة عن رسالة أرسلت لصديقي الشاعر سيد عبد العزيز عندما نقل الى مدينة الأبيض)

حبيبيى ... أكتب لى
وأنا أكتب ليك
بالحاصل بي... والحاصل بيك
***
الباقى على .. أنا شوق وحنين
واقيم الليل آهات وأنين
أتقلب ما بين الجنبين
فارقنى حبيب آلفنى سنين
إستحكم بينى وبينه البين
ماليك أمان
ياذا الزمان

ياليالى زمان... الله عليك
أنا أكتب ليك
وانت تكتب لى

يا حبيب روحى .. ونور عيني
يا وحيد عمرى الما دمت حى
أكتب لى عن كل شىء
أذكر ودادى
أرحم فؤادى
أرع الوفا ودع الجفا
وأذكر صفا أيامنا ليك
أذكر جلوسنا على الربى
نستعرض أسراب الظبا
نسمع لهمسات الصبا
ونحن فى عز الصبا
أبسم اليك تبسم معاي
جالس حداى تسمع غناى
مع صوت الناى
دا أنا يامناى الطول حياتى
بغنى ليك


قصيده الليل ما بنومه
• من أغاني عام 1954م
• لحن وغناء الكاشف

• ( كلمات تفصح عن أنها قيلت فى حبيب هاجر مخادع)

الليل ما بنومه
أنا حارس نجومه
طول يالليل وهود عاجبني طول الليل
الليل نسيمة عليل الليل سكونه جميل
الليل به النسمات تتأمل الأفلاك
الليل بع العشاق تتذوق الأخلاق
تتناجى بالأرواح
ولشدة ما ترتاح
ما دايره تانى صباح
أنا راصد كواكبه
تايه فى ظلامه
وساير فى مواكبه
سابح فى خياله
وما عاشق جماله
بس لى فيه ذكرى وماخذ عنه فكرة
يكون فيه التلاقى وانظر فيه حبي
والحابيه قلبي
ينظر ما ألأقى
يا ليل أنت شايف توليهي وهيامي
ويالليل أنت عارف أشياء من غرامي
أما بلغك ياليل
***
بالله عيرنى سماع
أحكيلك حبى الضاع
وتغير الأوضاع
هويت محاسن إنسان فى غاية الإبداع
عاهدنى وحبيته ووجدت عهده خداع
الوداع
الوداع
الوداع




أحمد الصادق


طارق الأمين


قصيده أزاك يا عيونى
• من أغاني عام 1956م
• لحن وغناء ابراهيم الكاشف
• ( والأغنية نتيجة أحاسيس خفية تسببت فيها العيون وما أكثر ما تتسبب فيه العيون)

أزاك يا عيونى ... جزاك
درت السهر لى روحك براك
***
ورينى كيف
زدتى إنهمال
ورينى ليه
شفت الجمال
مسحورة بى سحر الدلال
مفتونة بى عيون الغزال
الله لا يهدى الكان هداك
***
الليل ليك كم ليل ويوم
ولهانة سهرانه النجوم
فى سيل دموعك عايم عوم
لا شايفة زول لا لاقية نوم
***
يا عيونى ايه
الكان هداك
تتشابي لى
شوفة الملاك
***
سببت لى يا عيونى نوح
وهديتى لى قلبي الجروح
هزيتى جسمى أذيتى روح
وبعدت بى عن النصوح
وقعت فى شراك الشباك
وأحترت كيف أعمل معاك



قصيدة حليل زمن الصبا

• الحان وغناء ابراهيم الكاشف

حليل زمن الصبا الماضى
حليل زهر الحياة الزاهر
حليل زمن الحبيب راضى
حليل زمن الهوى الطاهر

حليله الأبلج الباسم
حليله الكاحل الناير
حليل قمر السما القاسم
لياليه وصبح داير

آه لو آه تفيد مجروح
والمثل القديم ساير
رهاب ما حصلوا الجارى
وسماك ما بحصلوا الطاير
تجدنى مراقب أخبارك
إذا النسمات بها تخابر
تجدنى على الفراش مضنى
تجدنى على الأسى صابر
***
أنا البعدك أصون عهدك
وليتك كنت بى خابر
وليتك مرة تذكرني
ولو فى ذكرة الغابر
***
فداك نوم عيوني يا نايم
وهل بلغك أنا مساهر
أراقب فى كواكب الليل
أرك بيناتها ماك ظاهر
أغفى الطرف وأتناوم
أقول للحسنة لى جاهر
متين أنظر جمال نورك
ووين يا كوكبي الزاهر
جمالك يسعد الشافك
صباحك يشرح الخاطر
مياسك الهلك ناسك
ودلالك وبسمة الفاطر
***
عيونك وإزدهار لونك
زهور وشما الندى القاطر
وروحك نسيم الروض
إذا مزجوا الشذى العاطر
***
تعود لى مسالمتك سالم
بعودة سلامة يا مسافر
أِوفك زى ملاك رحمة
أشوفك زى غزال نافر
أِوف فيك هيبة الظافر
أِوف فى محيك البدر
البفوق بدر السما السافر
***
ذكرى أهاجت الذكرى
دوام فى فكرتى تخامر
حليل الماضى وأيامه
حليل الرونق العامر
حليل زمن الحبيب طائع
حليل زمن الحبيب آمر
زمنا الكنا لا ندرى
بما كان الزمن ضامر

ضى القمر غير متواجد حالياً