فريع البان الشاعر ود آمنة

أغنية (فريع البان) للشاعر الأمين ود الأمين ( ود آمنة) من نواحي بربر . ظهرت الأغنية في الحقبة المبكرة في عهد ما قبل سرور والعبادي , على منوال الأغاني التي جاء بها محمد ود الفكي من قرية كبوشية والاغنية تطورت على مر الأزمان حيث تحولت الى اغنية شعبية ودخلها التحوير في النص واللحن الأغنية في بعثها الجديد تنسب لشاعرين , (السافلاوي) و (محمد القنديل سحابي) . حيث غناها الفنان (بابكر ودالسافل) وقال أنه كاتب الجزئية الأولى منها (وغالبا أنه سجلها لبرنامج ربوع السودان) . وقد مرت هذه الأغنية بمرحلتين ولكن المرحلة المعروفة أن الشاعر الراحل محمد القنديل الياس (من بطون السحاباب) قد أكمل جل أبيات القصيدة المغناة. وقصة الأغنية عند (محمد القنديل سحابي) حين كانت (فريع البان) في حالة حداد لرحيل جدها في قرية (خليوة) بمدينة (عطبرة) وهي تسأل جارتها وهما واقفتان على جدار , والشاعر يمر براحلته فيرى في ثواني معدودات (فريع البان) ويقول لها : الجسيمها حرير جنفصان ما بهد العجب سبعين كان تفك الحد فشبه جسمها بـ(الجنفصان) وهو نوع فخم من الحرير في ذلك الزمن. من فريع البان اليسوح نديان منو ياسلام قلت أشرب راح عل قلبي إرتاح لاطبيب جراح لا جاب شفاي لاراح ❤️❤️❤️❤️❤️ ديسك الكرا بين بياض مو شيب ناجى من حره من غرام (سبعين) خائف إنضرا زولى فوق الجار عمرو ما اتورا با السمح والزين زولى فايت الند مقدمك راجيك من تمانين جد لون جليدا حرير ❤️❤️❤️❤️❤️ جنفصان ما بهد والعجب (سبعين) ما تفك الحد با السمح والزين نظراهو قط ما كان الظرف تاماهو خاتيه قولت ان كان من جمال سبعين اللبيب دركان انت يا الفردوس جنة السكان قومي يا قلبوس قلدي فنونا من جمال ام زين روحي ممنونه العصير يوم جات شوفوا طاعونا قلبي دا المرضان ❤️❤️❤️❤️❤️ باقي مجنونا في المشي ما بنش يملا قدمو تراب الصدير عالي حاجبك هلالا غاب مسكك اب تسعه الساكن الجبجاب كلموا اهلي اليكتبو لي حجاب قلت اشرب مر يبقى مر في مر واليالي تمر ياالله زيدنا عمر في حبو ياسلام