الأحد، 31 مارس، 2013

منديل - الجاغريو




يروى ان الشاعر احمد محمد الشيخ الجاغريو
 وهو من ابناء العيلفون دعي لحفل زواج واهدته احد الجميلات منديل يعتز به كثيرا لجمالها،اجمع بعض الاصدقاء علىسرقة المنديل , ففي وسط الزحام فقد الشاعر منديله فقال :

منديلي راح مني 
والشالو ما يتني
مايشيل خلافو
**********
ياالصالحين هموا
في مكه إتلموا
القشه بيه فمو
يحرق حشا أمو
*********
ود عيسى في المسيد
أبوي لاحاق بعيد
منديلي ما تقليد
والشالو يشل الأيد
*********
يا حمد عصايتك سيف
هيا للمنديل أقيف
الشالو يصبح ضيف
في شبراً ما نضيف
**************
يا ود حسون الحار
يا صاحب الدردار
منديلي من بدار
أخفوه من الدار
************
يا برير يا النقر
الشالو لي ما قر
ان شاء الله يضوق سم الدقر
كمان أبوه يكون عقر


قصيدة: حور الجنان  - الحاج محمد أحمد سرور


كمال ترباس ومحمود عبد العزيز -نسأل الله له الرحمة - من حور الجنان


كتبهاالفاتح عثمان فضايلو ، في 4 أبريل 2007 الساعة: 12:11 م

قصيدة: حور الجنان
سيد عبد العزيز 



 القصيدة بصوت الفنان مبارك حسن بركات

كمال ترباس ومحمود عبد العزيز وجال فرفور و وليد زاكي الدين


سيد عبد العزيز - من حور الجنان
من حور الجنان أم أنت إنسان الكمال
هل أنت الملاك جيت تورى الناس الجمال
سبحان من نشاك حسنه وفى غاية الكمال
يهواك الجنوب وإليك ينقاد الشمال
وما أظن يحصوا حسنك لو يحصوا عدد الرمال
بى إيه يقدروك يا ملك ملوك عصر الجمال
سلطان بهجتك محروس بجيوش الجلال
ويغار من صفا حسنك صفا ماء الزلال
فى مراية خدودك أشوف تأكيد سحر الحلال
وأشوف فى سما حسنك كل يوم يسطع هلال
صفا ماء الجمال فى مجال جمالك راق وجال
زى ماء الحياء فى عيون ربات الحجال
ما فعل السلاح تفعل عيناك النجال
مكسور الطريف كسر قلوب الرجال
يا خلاصة المعانى الصار معناك موضع مثال
فوق المحسنات حايز لطف وكرم خصال
عشاق الجمال اعترفوا ليك ما ليك مثال
وتتمنى البدور تقبيل يداك بى امتثال
يا طايل الوريد يا أهيف يا اللى خصمه زال
فيك منظر يحنن وفيك منظر فارس النزال
ليك من الغزالة جبين وقاد وعيون غزال
الحور من مناصبها لى قدرك تكتب نزال
يا الغصن الرطيب عاجبنى فيك الإنهدال
اللادن قوامك من ملبن وذو اعتدال
جوهر حسنك الصافى وسيرك طاهرات عدال
آيات بينات ما فيهن للكافر جدال
شاركت الغمام والموج مناظر وارتحال
شاركت الظباء فى نفرتن والإكتحال
شاركت القلوب فى موضعن وعلى كل حال
نفداك بالنفوس وفداء النفوس كان المحال
(نشكر الأخ نعمان عباس الذي كتب لنا النص الكامل للقصيدة  ( إقرأ التعليق ) وتم تبديل النص القديم بالنص الكامل ولك شكرنا وتقديرنا ونحن أيضا في انتظار أحفاد شاعرنا الفذ سيد عبد العزيز (عليه رحمة الله ) ليكتبوا لنا كل مايوثق السيرة الذاتية  لشاعرنا الكبير . أيضا أشير إلى بيت : عشاق الجمال اعترفوا ليك ما ليك مثال….تم تبديل كلمة —آلهة الجمال— كما ذكرها الشاعر الى…عشاق الجمال للأمانة والتاريخ…(الفاتح)

أيمن السر -خالد نجم الدين - من حور الجنان


 


6 تعليق على “من حور الجنان - سيد عبد العزيز”

  1. أشكر جدا ناشر هذه القصيده لأن كاتبها سيد عبد العزيز هو جدي مباشرة وشكرا لكم كل الشكر
  2. شكرا للأخ spider-m

    ونشكر لك تعليقك….. وبما أن القصيدة الجميلة لأغاني الفترة الجميلة ، ايقاعا وكلمات ، ولحنا ،،،، نرجو منك الحفاظ على هذا التراث البهي (مكسور الطريف كسر قلوب الرجال ومدنا بكل ما لديكم من اشعار تخص شاعرنا المجيد جدكم /سيد عبد العزيز ولك كل احترام وتقدير والمجال مفتوح لك … لكتابة ما تريد
  3. القصيدة المنشورة ناقصة واليكم الاضافة
    سيد عبد العزيز ليس جدكم فقط بل شرف ان يكون جد كل سوداني
    نعمان عباس

    سيد عبد العزيز - من حور الجنان
    من حور الجنان أم أنت إنسان الكمال
    هل أنت الملاك جيت تورى الناس الجمال

    سبحان من نشاك حسنه وفى غاية الكمال
    يهواك الجنوب وإليك ينقاد الشمال
    وما أظن يحصوا حسنك لو يحصوا عدد الرمال
    بى إيه يقدروك يا ملك ملوك عصر الجمال

    سلطان بهجتك محروس بجيوش الجلال
    ويغار من صفا حسنك صفا ماء الزلال
    فى مراية خدودك أشوف تأكيد سحر الحلال
    وأشوف فى سما حسنك كل يوم يسطع هلال

    صفا ماء الجمال فى مجال جمالك راق وجال
    زى ماء الحياء فى عيون ربات الحجال
    ما فعل السلاح تفعل عيناك النجال
    مكسور الطريف كسر قلوب الرجال

    يا خلاصة المعانى الصار معناك موضع مثال
    فوق المحسنات حايز لطف وكرم خصال
    آلهة الجمال اعترفوا ليك ما ليك مثال
    وتتمنى البدور تقبيل يداك بى امتثال

    يا طايل الوريد يا أهيف يا اللى خصمه زال
    فيك منظر يحنن وفيك منظر فارس النزال
    ليك من الغزالة جبين وقاد وعيون غزال
    الحور من مناصبها لى قدرك تكتب نزال

    يا الغصن الرطيب عاجبنى فيك الإنهدال
    اللادن قوامك من ملبن وذو اعتدال
    جوهر حسنك الصافى وسيرك طاهرات عدال
    آيات بينات ما فيهن للكافر جدال

    شاركت الغمام والموج مناظر وارتحال
    شاركت الظباء فى نفرتن والإكتحال
    شاركت القلوب فى موضعن وعلى كل حال
    نفداك بالنفوس وفداء النفوس كان المحال
  4. شاركت الظباء في نفرتن والاكتحال
    ياسلام … ياسلام ولا تعليق يليق
  5. عزيزى الاغنيه فيها كثيير من الكلمات الغلط وتغير كلمه بغير منع البيت كاما مثال1/ ياطايل الوريد يالى خصرو زال وليس خصمه كيف خصمه2/فى مرايه خدودك اشوف تأسير
    سحرو الحلال وليس تاكيد
    ولاحظتا كتير من الاغانى المكتوبه فيها غلط كثير
    مع تحياتى ياسر حنفورة باحث فى اغان حقيبة الفن
  6. رد علي الأخ ياسر حنفورة- باخث في أغاني الحقيبة-
    يا طايل الوريد يا أهيف يا اللى خصمه زال
    فيك منظر يحنن وفيك منظر فارس النزال
    أولا:
    في البيت السابق : تأمل سياق معنى البيت كلمة اللي خصمه زال تتوافق وتتواءم مع شطر البيت الذي يليه وفيك منظر فارس النزال ( مع الخصم)الفارس دائما مع الخصم وهو يتفق معي فيه الأخ نعمان عباس أعلاه والذي أعاد كتابة كلمات الأغنية
    ثانيا :
    لقدغنى الفنان ( مبارك حسن بركات ) وهو أقرب الناس للحقيبة الكلمات التي ذكرتها أنا( خصمه - وتأكيد ) وليس كما ذكرت أنت ( خصم -و تأسير ) ارجو منك إعادة سماع الأغنية أعلاه
    ثالثا :تم إنشاءالموقع ايضاللبحث في أغاني الحقيبة والتوثيق لها وللكل تركنا المجال مفتوحا للتوثيق والتعليق وعليه (العهدة على الراوي ) عند حدوث خطأ
    يجب التعليق ( المجال مفتوح ) وبطريقة تفيد الجميع وليس بالطريقة السابقة التي ذكرتها في نقدك مع ذكر المصدر - علما بأن الهدف من كل ذلك هو التوثيق لهذا التراث الجميل وكلامك عن ( لاحظت كثير من الأغاني المكتوبة فيها غلط كتير ) هذا الكلام منك في غير محله ويجب عليك تحديد مكان الغلط ، لا أن ترمي الكلام جزافا…بمثل ما قلت لقلل من مجهود الآخرين مهما كان سيئا أو غير مقبول بحكم أنك تعمل في نفس المجال ( باحث في أغني حقيبة الفن )

    فى مراية خدودك أشوف تأكيد سحر والهلال
    وأشوف فى سما حسنك كل يوم يسطع هلال

    وعليه فرواية الأغنية صحيحة وكل ماكتب فيه سليم ز

أغاني خليل فرح - وغضبك جميل عبد الحميد يوسف


كتبهاالفاتح عثمان فضايلو ، في 4 أبريل 2007 الساعة: 21:45 م




عازة في هواك
خليل فرح

عازة في هواك عازا نحن الجبال
وللبخوض صفاك عازا نحن النبال
عازة ما بنوم الليل محــــال
وبحسب النجوم فوق الرحال
خلقة الزاد كمال وأنا حالي حال
متين أعود أشوف ظبياتنا الكحال
عازا ما سليت وطن الجمــال
ولا أبتغيت بديل غير الكمــال
***
وقلبي لي سواك ما شفتو مال
خذيني باليمين وانا راقد شمال
عازة ما نسيت جنــة بلال
وملعب الشباب تحت الظلال
ونحن كالزهور فوق التلال
نتشابي للنجوم وانا ضافر الهلال
عازة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عازة ما أشتهيت نوم الحجال
ولا السوار بكي في يمينا جال
وعازة في الفريق لي ضيق مجال
قبيلة بت قبيل ملأ الكون رجال
***
عازة شفت كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عازة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدى كل يوم عظمة ازداد جلال
***
عازة في حذا الخرطوم قبال
وعازة من جنان شمبات حبال
وعازة لي ربوع ام در جبال
وعازة في الفؤاد دوا يشفي الوبال


عازة في هواك - كورال كلية الدراما والموسيقى - جامعة السودان


عازة - صلاح مصطفى وسيد خليفة
موسيقى عازة في هواك ومناظر من السودان

 الشرف الباذخ نحن ونحن الشرف الباذخ
دابي الكر شباب النيل
قوم وقوم كفاك يا نايم
شوف شوف حداك يا لايم
مجدك ولي وشرفك ضل
إمتي تزيد زيادة النيل
نحن نطارد العنزة الفاردة
نحن نزود مشارع النيل
نحن برانا نحمي حمانا
نحن نموت ويحيا النيل
ما بنندس ما بنتوصي
نحن نكيل برانا نشيل
نحن الطينة ومطر العينة
نحن الوادي برقه يشيل
نحن الصولة سيوف الدولة
نحن كنانة اسماعيل
بابه العالي وشرفه الغالي
كان لجدودنا ظله ظليل
يا حكامنا جيبوا البينه
ولا انقرعوا كفوا الشينه
ده ود عمي وده ضريب دمي
انت شنو طفيلي دخيل
يا نزلانا أمرقوا الذمة
كيف ينطاق هوان الأمة
شالوا حقوقنا وزردوا حلقونا
ديل عاوزين دمانا تسيل
من تبينا قمنا ربينا
ما اتفاسلنا قط في قليل
ما فيش تاني مصري سوداني
نحن الكل ولاد النيل 

الشرف الباذخ - كورال كلية الدراما والموسيقى


الشرف الباذخ - عبد العزيز العميري - عود

د.عثمان مصطفى - الشرف الباذخ

البلابل - الشرف الباذخ

فى الضواحى وطرف المداين

نانسي عجاج

د. منال بدر الدين 
محمد عبد الجليل

مصطفى سيد أحمد 

في الضواحى وطرف المداين
يلا ننظر شفق الصباح
قوموا خلو الضيق في الجناين
شوفوا عز الصيد في العساين
يله نقنص نطرد نعاين
النهار أن حر الكماين
كلبي يا جمجوم أصله خاين
شوفوا كيفن يبرأ الملاين
هب شال وكشح المراح
للقنيص الخيل خف راسن
نحن ما بنخاف من مراسن
المكارم غرقنا ساسن
والمجاهل مين غيرنا ساسن
ان عطشنا نمز مر وآسن
وأن عشقنا بنعشق محاسن
فى المحاسن كفي يومنا راح
في الخميلة انجلت المحاسن
عيني حايرة ومشي قلبي جاسن
بعض حسنك هي يا محاسن
الحرير حين قدميك داسن
والزهور حين شفتيك باسن
والغصون من لدنك مياسن
والنسيم فاح بكر الملاح
يا الطبيعه الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيح والبراح
شوف صباح الوادي وجماله
وشوف خضاره وصيده ورماله
شوف يمينه وعاين شماله
شوف نسيم الليل صاحي ماله
شوف فريع الشاو مين أماله
القمر خجلان من كماله
والصباح لا بهل الوشاح
يا أم لسانا لسع معجن
كلمة كلمة وحروفه ضجن
ديل خدودك غير داعي وجن
ديل عيونك من غير سبه لجن
ديل دموعك من نظرة شجن
ده دلال ايه ده دلال معجن
محن الامات يا رداح
ماك نسيم الليل بي برودك
نامت الازهار فوق خدودك
غرد العصفور فوق عودك
النفوس ما اتعدت حدودك
ما عرفنا عدوك من ودودك
بس أنا المقسوم لي صدودك
يا حياتي وأملي اللي راح 

أسرار بابكر - وكورال كلية الدراما والموسيقى


في الضواحي - موسيقي



11 تعليق على “مختارات -شعر خليل فرح (عامية سودانية)”

  1. شاكرين على هذه الروائع!!!!!!
    بس وين ما هو عارف قدمو المفارق
  2. شكورين على هذا الجهد.بس ياريت دايما يتم توثيق القصائد بتواريخ كتابتها وتلحينها وغنائها.
  3. فى الضواحى وطرف المداين
    في الضواحى وطرف المداين
    يلا ننظر شفق الصباح
    قوموا خلو الضيق في الجناين
    شوفوا عز الصيد في العساين
    يله نقنص نطرد نعاين
    النهار أن حر الكماين
    كلبي يا جمجوم أصله خاين
    شوفوا كيفن يبرأ الملاين
    هب شال وكشح المراح
    للقنيص الخيل خف راسن
    نحن ما بنخاف من مراسن
    المكارم غرقنا ساسن والمجاهل
    مين غيرنا ساسن
    ان عطشنا نمز مر وآسن
    وأن عشقنا بنعشق محاسن
    فى المحاسن كفي يومنا راح
    في الخميلة انجلت المحاسن
    عيني حايرة ومشي قلبي جاسن
    بعض حسنك هي يا محاسن
    الحرير حين قدميك داسن
    والزهور حين شفتيك باسن
    والغصون من لدنك مياسن
    والنسيم فاح بكر الملاح
    يا الطبيعه الواديك ساكن
    ما في مثلك قط في الأماكن
    يا جمال النال في ثراكن
    ياحلاة البرعن أراكن
    في قفاهن تور قرنه ماكن
    لا غشن لا شافن مساكن
    في الخزام والشيخ والبراح
    شوف صباح الوادي وجماله
    وشوف خضاره وصيده ورماله
    شوف يمينه وعاين شماله
    شوف نسيم الليل صاحي ماله
    شوف فريع الشاو مين أماله
    القمر خجلان من كماله
    والصباح لا بهل الوشاح
    يا أم لسانا لسع معجن
    كلمة كلمة وحروفه ضجن
    ديل خدودك غير داعي وجن
    ديل عيونك من غير سبه لجن
    ديل دموعك من نظرة شجن
    ده دلال ايه ده دلال معجن
    محن الامات يا رداح
    ماك نسيم الليل بي برودك
    نامت الازهار فوق خدودك
    غرد العصفور فوق عودك
    النفوس ما اتعدت حدودك
    ما عرفنا عدوك من ودودك
    بس أنا المقسوم لي صدودك
    يا حياتي وأملي اللي راح
  4. لكم التجايا والأماني العذبة والسندسية على تعليقاتكم ومروركم
  5. لك التحية علي هذه الاطلالات الحقائبية ولك مني الود
  6. جميل جداً
  7. حقيقة روائع الاستاذ القامة خليــل فــرح جديرة بان تؤرخ وتحفظ من التحريف والتلف … لكم الشكر الجزيل
  8. شكرا لكم
  9. السلام للجميع - مش ممكن ما يكون الاستاذ عبدالحميد يوسف لا يحظى بهذا الاهمال - لم اجد له ولا قصيدة وهو الذى تغنى بروائع خالدة

    الرد :
    وهذه أغنية : غضبك جميل زي بسمتك   -  للفنان عبد الحميد يوسف هدية لك


    قصيدة غضبك جميل زي بسمتك
    ما اروعها من اغنية تحمل في لحنها وكلماتها كل معاني الحب والشجن والالم والعتاب والسهاد,
    هذه القصيده كتبها الشاعر الراحل حميدة ابوعشر وهو قد كتب الكثير من الاغاني وكانت هذه الاغنية من نصيب الفنان الراحل المقيم عبد الحميد يوسف.. وتغنى له عبد الحميد يوسف ايضا باغنية اذكريني ياحمامة وتغنى له الكاشف باغنية وداعا روضتي الغناء والكثير من الاغنيات الجميلة التي ظلت عالقة بالاذهان على الدوام,
     


    غضبك جميل زي بسمتك
    على كل حال شكلك بديع
    وغضبك جميل زي بسمتك
    حكم الغرام بتذللي
    وحكم الجمال بتدللك
    الاشتياق والاحتراق والوجد لي
    والابتسام والانسجام والحسن لك
    عجبا تكون قاسي وديع
    على كل حال شكلك بديع
    وغضبك جميل زي بسمتك
    نظرات عيونك محنتي 
    سحر الجمال في بهجتك
    خايف خدودك تنجرح من نظرتي
    يا اية المعنى الرفيع
    على كل حال 
    ادبك رفيع شكلك وديع زي زي بسمتك
    كيف الخلاص يا دنيتي
    ما بين خضوعي وجبرتك
    اراك قريب لكن بعيد من بغيتي
    جرت وجفيت وجفاك مريع
    على كل حال غضبك جميل 
    شكلك وديع زي بسمتك



     عن الفنان عبد الحميد يوسف


    ولد الفنان عبد الحميد يوسف عاشور في 17/11/1918 بالخرطوم وعند السابعة التحق بخلوة الشيخ الكنزي، ثم دخل بعد ذلك المدرسة الإرسالية الأمريكية والتي كانت تعمل بنظام التعليم الحديث (منهج النشاط) وكانت تهتم أيضاً بجانب الدروس بتعليم التلميذ الانشاد وترتيل أهازيج الصلوات الكنسية وتعلق عبد الحميد يوسف بهذا الجانب الفني من المقرر المدرسي مما نمَّى عنده ملكة الصوت الجميل..
    أما المحطة الثانية في حياة عبد الحميد يوسف فهي محطة السجانة وكان ذلك في العام 1949 عندما انتقلت أسرة عبد الحميد يوسف إلى ذلك الحي الفني حي السجانة والذي كان يزخر ويزدهر بالمغنين والشيالين والمهتمين بالغناء والموسيقى أمثال محمد الدنقلاوي (فنان) يوسف أحمد (شاعر) الملحن خليل أحمد عبد العزيز، الموسيقار، عبد الفتاح الله جابو، وغيرهم من رموز الفن السوداني وفي السجانة تعرف عبد الحميد يوسف على الشاعر يوسف أحمد المكي والشاعر عبد المعطي الحمدي والشاعر حسين محمد حسن وقدما له عدداً من الأغاني أشهرها (خدعوك وجرحو سمعتك) (يا حمام سيب هديلك) (يا معنى الجمال الحائر).
    اما المحطة الثالثة في حياة عبد الحميد يوسف فهي التقاؤه بالشاعر الضخم محمد بشير عتيق والذي أهداه في العام 1943م أغنية (أذكريني يا حمامة) والتي أصبحت الأغنية المثالية التي تستعمل كوسيلة لاختبار مقدرة الأصوات الجديدة التي ترغب في الالتحاق بالإذاعة.
    وعبر بها إلى الإذاعة كل من الفنان حسن عطية- أحمد المصطفى- عثمان حسين- عبد العزيز محمد داؤود ولقد تربع عبد الحميد يوسف على عرش الغناء السوداني فترة من الزمن وغمر الساحة الفنية بعدد كبير من الألحان البسيطة السهلة العذبة والتي اكسبته جماهير لم يسبق لها مثيل، خاصة عندما فجر رائعته (غضبك جميل زي بسمتك) والتي يعتبرها النقاد أول أغنية سودانية أحدثت النقلة من غناء الحقيبة إلى الغناء الحديث وبمناسبة مرور الذكرى 31 لرحيل الفنان عبد الحميد يوسف في العام 2007م نذكر أهم ملامح وسمات تجربته اللحنية:
    عاصر عبد الحميد يوسف فنان الحقيبة كرومة وسرور والأمين برهان وعمر البنا والعبادي وود الرضي وأبو صلاح وعتيق وشارك مع الكورس الشيالين ولكنه ثار على الحقيبة وبدأ يغني في مرحلة مبكرة من حياته الفنية ألحاناً تختلف في طابعها وسماتها الفنية عن غناء الحقيبة فهو يعتبر صاحب النقلة من غناء الحقيبة إلى الغناء الحديث.
    يعتبر عبد الحميد يوسف من الذين اهتموا بتهذيب الكلمات المصاحبة لأغاني التم تم التي ظهرت في منتصف الثلاثينيات وفي أيام الحرب العالمية الثانية والتي كانت ترددها المغنيات بكلماتها العفوية والهابطة فأقبل عبد الحميد يوسف على تغيير كلمات أغنية (الهجروك عليا) وضمنها الكثير من الحكم والمعاني الراقية، لحن عبد الحميد يوسف أغنية (أذكريني يا حمامة) على نهج القرار والجواب مما جعل أداءها صعباً يحتاج إلى صوت ذي مساحة واسعة لذا صارت الأغنية التي يتم بها أختبار الأصوات الجديدة التي ترغب في الالتحاق بالإذاعة، استطاع عبد الحميد يوسف ان يؤسس لمدرسة جديدة في التلحين سميت بمدرسة السجانة الوترية ومن أهم مميزاتها أنها جاءت بابتكارات لحنية جديدة وطريقة خاصة في الأداء واعتمادها على آلة الكمان في ابراز اللحن الأساسي وكان من الذين تخرجوا في هذه المدرسة الفنان عثمان حسين والملحن خليل أحمد عبد العزيز والموسيقار عبد الفتاح الله جابو والموسيقار عبد الله عربي والفنان محمد وردي ومنى الخير ورمضان زايد وكان الفنان عبد الحميد يوسف أول من ابتدع أسلوب وفن "الدويتو" فاستعان بصوت الفنان زنقار في البداية ثم صوت الفنانة عائشة الفلاتية.
    في الختام نقول ان الفنان الراحل الحاج عبد الحميد يوسف يعتبر من الذين أسهموا في وضع اللبنات الأولى للغناء الحديث في السودان وللأسف الشديد لم يحظ هذا الفنان باهتمام النقاد والباحثين في السودان.




يا روحي - كلمات عبد الرحمن الريح




يـا روحــــي
كلمات: عبد الرحمن الريح
يا روحي أنصفني
في حكمك لأنو قاسي علي أنا يا حبيب ظلمك
تظلمني والأيام قد تنصف الانسان
نشاهد المحبوب عفوا عيان وبيان
بالنسبة للطفك والرقة يا فتان
ما كنت تظلم من قد أضحى بيك ولهان
تتركني للماضي مع انه في الامكان
نجدد الذكرى وتنسى كل الكان
هيامي بيك يا فاتن مصدره الانصاف
انصفت حسنك حب وانصفت حبي عفاف
ذوبت روحي معاني دقيقة في الاوصاف
هومت نفسي خيال في معبدك طواف
سكبت روحي على كاس المحبة سلاف
هل بعد ذلك كل سهام نواك اهداف
يا حبيبي غرامي تركته للايام
تركت حب ودموع تركت شوق وهيام
عودت نفسي اذا ما اشتدت الالام
اصبر على الحرمان واضحي بالاحلام
جنة هواي العذري ندية كالانسام
تخلي نار الشوق بردا علي وسلام


تعليق واحدتعليق واحد على “يا روحي - كلمات عبد الرحمن الريح”

gassim07 قال: 

  1. اغاني لا زالت خالدة

    لا تملها

    لها طعم جديد كلما تذوقتها

    تخاطب الوجدان رأسا

    وتعزف علي احس وتر في دواخلنا

    gassim07@makoob.com

الخميس، 28 مارس، 2013

زاد أذاي الشاعر عبيد عبد الرحمن




زاد أذاي يا صاحي - لجين بابكر صديق

كتبهاالفاتح عثمان فضايلو ، في 26 يونيو 2007 الساعة: 14:11 م

زاد أذاي عبيد عبد الرحمن
زاد أذاي يا صاحي واعتراني نحول
طرفي دامع وصاحي وبالسهاد مكحول
******
لي حال الحول والمغالق بينى وبين حبيبي تحول
قلبي قال ممحول صبري ضاع وياجافي خصمي مامحول

العلي مابزول والأنين يابدري والحنين مابزول
الجسم مهزول منيتي وآمالي ونومي فيه النول

يانسيم مرسول لي حبيبي لعلك منه عالي تنول
أمشوا ليهو مثول علي أنظر حسنه أقبل المعسول

يافصول أقول رفعة قامته وحسنه وصفه شرحه يطول
من ندى المسطول كم يواعد ويمطل لوني صار ممطول

القوام معدول والوريد كالدمية والأسيس مسلول
الكتيف مهدول بعضه نام فوق بعضه تقول حرير مجدول

ايه يفيد القول وايه يفيد من شعري فيه مهما أقول
منو حالمة عقول الوصول للبدر ياخي ما معقول

زاد أذاي يا صاحي واعتراني نحول
طرفي دامع وصاحي وبالسهاد مكحول
YahooMyWeb

ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج  |   دوّن الإدراج  

3 تعليق على “زاد أذاي — الشاعر عبيد عبد الرحمن”

  1. رحم الله الشاعر عبيد عبد الرحمن فهو لن يتكرر
  2. كلمات جميلة و حس مرهف
  3. كلام جميل

الأربعاء، 27 مارس، 2013

مختارات من شعر محمد بشير عتيق


لغة العيونكلمات محمد بشير عتيق
لحن وغناء خضر بشير
خاطبته بي لغة الهــوي *** فاجابني بي لغة العيون
في مرة كنا انا وهـو *** في روض جميل ثمره استوي
وريته مابي من شجون
ومن عطفه اظهر لي شجون
قال لي عزيز يهون
ما دمنا نحن علي الهواء ****يا حبيبي متعاهدين سوا
قلت ليه قلبي الليك غوي***في حبو ما ضل وغوي
وحياة جمالك يا مصون
حلي وانقسم ولي ابتسم وزاني تحت الغيم سنا وكشف عن العناب جنا
قال لي ما معني القسم بي جمالي في شعرك هنا؟ قتليه يا سمح القسم
كيف ما افاخر بيك انا وانت اللي اوحيت لي غناء
في قلبي شخصك اترسم
واعلم يقين انا في غني عن حب سواك وعلي هواك
حتي المنون
قال لي صحيح قلبك جريح وهواك صريح
شعرك رفيع في مستوي
لحنه البديع يطوي الجوي
كم اطفا للظمان روي بل احيا اموات الهوي
قلت ليه برضك لي ظلوم كيف ما غرامي عليك يدوم
وانا فكري عندك كل يوم
يستوحي من حسنك علوم قال لي خلاص يا خوي نقوم
ودعني بي لغة العيون ودعتو بي قلبي الحنون





كل ما اتاملت حسنككلمات محمد بشير عتيق
لحن وغناء كرومة
كل ما اتاملت حسنك يا رشيق
القي اية تضاهي اية
***
كيف تزيد ناري وشقايا
وحبي ليك انا حب مكمل وسامي غاية
الوشاة يا روحي هم اكبر دعاية
دع ملامن وسيب كلامن واستلامن
اوفي قربك وخلي قلبك يكون معاي
***
يا شموس افقي وصفايا
يا خلاصة الحسن والغيرك نفايا
ارجوك لا تهمل شقايا
نظرة منك ولو خيال فيها الكفاية
بي ظماني مع الاماني يقر زماني
يسمو فني وتروي عني لزيز غنايا
***
انت قاضي ولي حكمك سيفه ماضي اباح دمايا
وحبك استعمر حواسي وللفؤاد اعلن حمايا
الف عام في خمسمية
ياخي لو صار انتهايا برضو بهواك للنهاية
شوقي دايم وقلبي هايم وفي النسايم


أذكريني يا حمامة - غناء حقيبة/ رحمة الله الشيخ


اذكرينى يا حمامة
كتبت بأم درمان سنة 1940-
كلمات محمد بشير عتيق
لحن وغناء عبد الحميد يوسف
أذكرينى يا حمامة كلما ساجع ترنم بي هواي وحب جمالك
كلما هطلت غمامة******أذكرينى يا حمامة
فى مسائك أو فى صباحك
وفي غدوك أو فى رواحك
وكلما بارق تبسم أو نسيم الصبح نسم
عني دايماً يكون سؤالك
******
فيم هجراني وعلام******يا الهواك صار لى علامة
شاهرة لى دايماً سلاحك******وموتي واجب فى اصطلاحك
طرفى عن رؤياك يُحْرَم******وذنبى إيه غير أني مُغْرَم 
ولي هواك من بدرى مالك
******
كل من فى الكون ناما******وعينى ليه فقدت مناما
وانت يا لكاحلك نعاسك******يزدرى الأغصان مياسك
حظى زى ليل فرعك أسحم
والجحيم من هجرك أرحم******عني يالشاغلك دلالك
******
صرت أعشق فيكي قاما******خصرها يعيرني السقاما
فيها أشرق نور صباحك******لي سنا البرق افتضاحك
فكري زي خِصرك مُقسّم******وخَطبي زي ردفْك مُجسم
هل يصح ويرضيك ذلك
******
روحي لو وافت حِمَامَا******أذكريني يا حمامة
في ذهابك أو في إيابك******ثم في فترة غيابك
وهاكي دُر شِعري المُنظم******ودمت ياالقدرك معظم
في نعيم جنات ظلالك


ــ3 تعليق على “الشاعر محمد بشير عتيق - مختارات”
  1. هزه فكرة جميله تساعدنا نحن الجيل الجديد علي معرفة الحقيبة الام التي ارتوينا من عطفها الدفاق وما زلنا لكزاخرين بابدعاك ياوطن الفن والجمال واتمنا المزيد من تلك الام الشفوقه بابدعاه التواصل في حقيبة الفن السوداني الاصيل نريد صوتا وكلمتا ولحن خالدالاينسي
  2. الاستاذ محمد بشير عتيق استنطق الشعر العصيا .. وكفى
  3. ابو الحسن عصام قال:
    اقسمت انك شاعر العشق الأول يامحمد بشير عتيق