حاول يخفي نفسه - ابو صلاح

الشاعر أبو صلاح مولود في حي الموردة في العام 1890م وتوفي في العام 1963م ويعد من أشهر شعراء الحقيبة ...

وقصة أغنية حاول يخفي نفسه ... والعهدة على الراوي أن الشاعر كان يتمشى في أحد الشوارع مع صديقه ..وفجأة وفي أثناء ذلك فتح أحد أبواب البيوت وظهرت خلف الباب فتاة كالقمر .. حاولت رمي شىء في الشارع وتفاجأت بوجود الشاعر وصديقه قريبان منها , وهنا أغلقت الباب بسرعة حتى لا يراها أحد ( نسبة للعادة الإسلامية .. أن تستر المرأة نفسها حتى لا تمكن أحدا من رؤيتها ) وهنا بدأ الشاعر مطلع القصيدة ...  (حاول يخفي نفسه ... وهل يخفى القمر في سماه .. أبدا لا ... وطبعا لا ... شفناه ... شفناه ...)

حاول يخفي نفسه - ابو صلاح

حاول يخفي نفسه

وهل يخفى القمر في سماه

أبداً لا ... وطبعاً لا ...

شفناه .... شفناه

حاول يخفي نفســــه ******* وغير إتجاه

سطع النور في أفقه ******* وكل إنسان رآه

خلنا البدر أشــــرق ******* كامل في علاه

خلنا الزهر فتــــح ******* من أنفاس شذاه

جذاب حسنه رايع ******* لادن خلقه مايع

رقص البان مشيه ******* تحب تنظر وشيه

عيونك تختشيــــه ******* من قوة ضياهو

ومن شـــــــدة حياهو

مرة إذا نظرتــــــه ******* ونظرة إليك رناه

قلبك ينشرح لــــه ******* وترتاح لي لقاه

دون تشعر تحبــه ******* وتلهج .. في ثناه

مرة تقول كبــدري ******* ومرة تقول كزهري

مرة تسمي شعري ******* ومرة تعممي سحري

تقلب فيه أسمــــا ******* وبرضو تشوفه أسمى

كل وصــف تــراه ******* أقل من مستواه

مترفع عظيم عالي ******* بعيد مــداه

ملأ العين جمالــه ******* الزاهي رشح نداه

يلألــي والكواكب ******* تتناثر حداه

فيه الحسن أودع ******* ماملكت يداه

مفــــــــــــــــــرح ******* وشوفته تفرح

بتلقاك باسم ******* كالزهر المنسق

في زمن المواســـــم

تشوف في مقلتيه ******* حياه دلال تيه

واللحظ البيجــرح ******* والوجد المبرح

أنا من دون أصـــــرح

لي قلب إصطفــاه ******* وهسه هناك معاه     

احمد المصطفى - حاول يخفي نفسه

     

قـلبي هـمالو أبو صلاح

قالوا أن الشاعر صالح عبد السيد (أبو صلاح) كان راكب في بابور البحر متجها ً للجنوب وعندما كان البابور راسيا ً على شاطي قرية ود الزاكي على النيل الأبيض كانت هناك فتاتان على الشاطئ إحداهما إسمها الفرير ( مسماه على العطر الباريسي المشهور فلور دا مور .. أو كما تطلق عليه حبوباتنا فرير دامور) وكانت الفرير هذه رائعة الجمال ... فرأها أبو صلاح وإنبهر بجمالها ... وسمع صديقتها تناديها : يا الفرير ... و لبعد المسافة بين أبو صلاح وبينهما إعتقد أن إسمها الفريع ... فكان هذا الخطأ الجميل : يا فريع ياسمين متكي في رمالو قول لعاشقك وين ضاعت آمالو ... معذب في هواك مالو

قـلبي هـمالو

أبو صلاح

----------

قـلبي هـمالو خـديدك وجـمالو

مـعذب فـي هـواك مـالو

بـدر حـسنك لاح والـقليب مالو

لي هواك وشوق قلبي عمالو

يافريع ياسمين متكي في رمالو

قولي عاشقك وين ضاعت آمالو

شـعره حـاك الـغيم حاجبه هلالو

فر بسمه غيم والبروق لألو

مـافي مـانع لـو مـوتي حلالو

نهدو جوز تفاح صدره لو لالو

الشادن المحكول قلبي يصبالو

وأخشى من لحظه ومن رمي نبالو

كـم جـريح لـسهام عينه ضاربالو

وبيه لايدري ولا علي بالو

الـجوهر الـفردي الـما إتلقي مثالو

ليه قلبي يلين وقلبو يقسالو

حبه صبحني وحسنه مسالو

غير رشيم في خدوده دموعي ماسالو

خصره ناحل زاد جسمي إنحالو

طرفه ناعس نام وطرفي يصحالو

الـفريع الـلان دمـعي سحالو

يانسيم أرجوك شوفه كيف حالو

فـي الـنجوم مرفوع مجده يبنالو

بين سماك أعزل حظي مانالو

وحـرسه حـولو يدور إستعدالو

والبدر لو غاب يضوي في بدالو                                

غضبك جميل --عبد الحميد يوسف - حميدة أبو عشر

غضبك جميل -عبد الحميد يوسف- حميدة أبو عشر

على كل حال شكلك بديع

غضبك جميل زي بسمتك

حكم الغرام بي تذللي

وحكم الغرام بى تذللك

الابتسام والإنسجام والحسن لك

والإشتياق والإحتراق والوجد لي

عجبا تكون قاسي ووديع شكلك بديع

غضبك جميل زي بسمتك

-----------------------------------

نظرت عيونك لمحنتي

وسحر الجمال في بهجتك

خايف خدودك تنجرح من نظرتي

خايف فؤادي يذوب حنان من نظرتك

جرت وجفيت وجفاك فريد

يا آية المعنى الرفيع

-----------------------------------

كيف الخلاص يا دنيتي

ما بين صدودك وجبرتك

أراك قريب لكن بعيد عن رؤيتي

من بعد ما أوقعتني في فتنتك

جرت وجفيت وجفاك مريع

يا آية المعنى البديع                  

الناحر فؤادي-ود الرضي قصة اغنية

قصة اغنية الناحر فؤادي

يقال انو شاعرنا ود الرضي علية رحمة الله ..كان ماري في يوم من الأيام في احد احياء امدرمان ..فلمح بت جميلة!!..فقام  تابعها لحدي ما وصلت حوشهم ..ومن يومها بقي كل يوم يجي يقيف  قريب من حوش اهل البت ..عسى يملّي عينو منها ...لكن البت ابت تجي مارقة كلو كلو !!!!!!...وكل يوم علي دا الحال ..لا. كل لا مل ...اها قالو كان في حوش فاضي ملاصق حوش اهل البت ..جو العمال  وبدو فيهو بناء  ..فقام شاعرنا طلب يشتغل  معاهم طلبه. فكان ليهو ما أراد  واشتغل معاهم شهر لما جو للسقف طلع واشتغل كل السقف. بنفسو عشان يشوفها..لكن خابت كل محاولاتو..البت كانت عارفة ..وخايفة من وصف ود الرضي ليها وانتشار سيرتها بين الناس ..الشغل انتهي في  البيت وود الرضي أخد مصنعيتو...جاتو فكرة  اهاااااا جمع كل العيال الفي الحي ووزع عليهم القروش  الاخدها ..وطلب منهم بجرو في شوارع الحي ويقولو :- الحريقة...الحريقة...وكان ليهو ما أراد ...اها هو واقف جنب باب حوش البت ..اخيراً جات مارقة .. ولاقت ود الرضي في وشها.. سالتو الحريقة وين يا ود الرضي ؟؟.رد عليها وقال ليها "في قلبي دا"

وكتب فيها:-

النَاحِرْ فُؤَادِى مُوْلِعْ جُوفِى حَرْ

أَضْرَم نَارَ وَجْدِى نَسَّامْ السَّحَرْ

دَامِعْ لَجَّ طَرْفِى يَا أَبْ طَرْفَاً سَحَرْ

والبَسَمْ المُفَلَّجْ للأكْبَادْ نَحَرْ

لاَيَبْرُدْ حَمِيمِى لَوْ أَحْسَى البَحَرْ

دَارِى ومَاكْ مِدَارِى يَاسَمْحَ النَّحَرْ

مَا أطْرَاكْ حِبَيْبِى إِلاَّ وقَلْبِى فَرْ

أتْلَظَّى وأكْظُمْ الغَيظْ الوَفَرْ

يَنْعِشْ رُوحِى طِيبَكْ لَوْ مَحْيَكْ سَفَرْ

زَىْ مَا بَىَّ تَفْعَلْ ذَنْبَكْ مُغْتَفَرْ

أَرِى البَىَّ يَا مَنْ سَاقِينِى الجُرَرْ

إِنِّى المِنْ غَرَامَكْ عُرْضَه لِكُلْ ضَرَرْ

شَاغِلْ غَيرْ شَاغِل بَى سُوحَكْ مَرَرْ

عَلَّى أَسْمَعَنَّ مِنْ فَاهَكْ دُرَرْ

أَبْصَرِ طَرْفِى طَرْفَكْ حَكَى طَرْفِى المَطَرْ

وقَلْبِى كَأنَّه طَيرُه خَافِقْ وإِنْفَطَرْ

أحْذَرُوا يَا أحِبَّه حُبَّ الرِّيمْ خَطَرْ

يَكْفِى البَىَّ حَاصِلْ مِنْ حَالِى الفَطَرْ

بَانْ لَى عَينِى شَخْصَكْ والنُّومْ إِنْحَجَرْ

والمَايِقْ تَمَلَّى غَيرْ خَاطْرِى إِنْفَجَرْ

مِنْ فُولاَذْ قِلَيبَكْ وكَبْدَكْ مِنْ حَجَرْ

مَا أحْلاَكْ عِنْدِى إنْ زُرْ أوْ هَجَرْ

كُلْ أذَى يَا طَبِيبِى فِى جُوفِى أنْحَسَرْ

حُبَّكْ خَلَّ َعَقْلِى والعُودْ أنْهَصَرْ

مَالِى إلَيْكَ إلاَّ قُولاً مُخْتَصَرْ

العِنْدَ الله أقْرَبْ مِنْ لَمْحَ البَصَرْ

شَادِى الحَفْلَه طَنَّ والأكْلِيلْ سَفَرْ

والنَّشَّابْ تَوَاتَرْ للفَاطِرْ غَفَرْ

ظَبْىَ الرِّيمْ تَبَخْتَرْ للآسَادْ ظَفَرْ

مَعَنَى الحَفْلَه كَايِنْ فِى واحِدْ نَفَرْ

وَرِّينَا النَّشَاهِدْ لَى دَارْةْ القَمَرْ

وأتَّكِى فِى المَنَّى ولُولِيبُو الثَّمَرْ

والجِّيدْ المُحَزَّزْ نَسِّفْبُو العَمَرْ

مَرَّه ومَرَّه أجْدَعُو فِى طَىْ الضَّمَرْ

الكَتْفَ المُهَدَّلْ والجِّسْمَ إنْتَبَرْ

والصَّادْ والمُزَمْزَمْ والغَيمْ والتَّبَرْ 

والضَّهَرْ المَتَنَّى والتَّيهْ يَا الأبَرْ

دَا الخَلاَّنِى سَاهِرْ مَاءَ عِينَىْ تَبَرْ

لاَجَمْ كَتْفُه كَفَلُو مَاجْ جِيدُه الوَفَرْ

عَمْعَمْ دِيسُه دِرْعُو فِى بَعْضُه إنْضَفَرْ

حَاكِى الغَيمْ تَنَقَّلْ يَا غَالِى النَّفَرْ

قُولْ للوِزَّة غُورِى فِى عَينِكْ ضَغَر .  (منقول)

مسو نوركم - بادي - سيد عبدالعزيز - كرومة

مسو نوركمكلمات: سيد عبدالعزيزغناء :بادي محمد الطيب************مسوا نوركمالمن جبنا صباحالصباح إن لاح .. لافائدة في المصباحهل أتاك حديث الكوكب النضاحقمره تمطر خمره وحارسها الفضاحأو تحيجنا محاسن الشمس للإيضاحمابتحيجنا محاسن محيها الوضاح *****نور جمالها دهشنا معر الفصاح بين ناطق صامت وبين صامت صاحغانية غانية محاسن فقيها شوف ياصاح الجمال الفيه كل معنى صاح*****تنظر الأيات من نور على ألواحالمعاني الخرد ومنية الأرواحفي العيون المرضن الشحر لأواحيجذب الألباب أو يفرح النواح *****القوام اللادن الأريج الفاحمن جسيمها الناعم الأثمر التفاحخلا عقلي وخلا في حشاي كفاح جيش هواها أحتل قلعة الأصفاحروضة غناء جمالها يجلب الأفراحوحورها من الجنة فيها تسقيك راحكل هذا تراه مابيزيل أتراحمن يحبه تهالك أستراح وراحيسألوني أحبابي ماشفيتي جراحبل شقيتي فؤادي بمدية الجراحصرت أتلو حديثك في الوجود بصراحلوتليت بكتابي سميت بالشراح *****فيك نظرنا مناظر يعلم الفتاحلوقفلنا قلوبنا كان لهن مفتاحأجرى أو لم أدري صرت كاللمتاحلورضاك هلاكي أنا للهلاك أرتاح *****ماجنيت في هواك وماعلي جناحأشتكيت للقمري ولم يعيرني جناحيكفيك لساني الغنى ليك وليك كم ناحلورثيت به حياتي ماإحتجت لي مناح

إيلاف عبدالعزيز البياح نجوم الغد الدفعه 20 2016

ينوحا ليل حماماتن - ابراهيم عبد الجليل/ محمد ود الرضي

ينوحن لي حماماتن همن عيني غماماتنبريدن شوقي لي لماتن

هياب رعاب جمال فاتن.... ولا شي في الادب فاتن

تتوق الروح لشوفاتن .............وارجف حين موافاتن

سكينة تجلى فصادن............ قلوب الادبا مرصادن

قنابل ترمي قصادن............. فهن صادنه ما صادن

وجن توب الحيا لباسن........... نزل نور القمر باسن

اهين وارضي حباسن ........يفر قلبي ويخاف باسن

عسف بندن حف جلادن .......وضيبن هدهد اللادن

عفافن عف تيلادن......... بسوق القوق علي بلادن

ما بين الشادي والشادن ..........تحير فكره نشادن

خدودن جل ورادن............. جميع الشاهدن رادن

نديم قول لي هن ياتن........... مهاة رامة وظبياتن 

نسيم شيل لي تحياتن........... وخصص بيها نياتن